Það voru tuttugu íslensk ungmenni frá sex félögum (JR, ÍR, Ármanni, Grindavík, Þrótti og KA) sem tóku þátt í alþjóðlegu júdómóti sem haldið var í Hilleröd í Danmörku um helgina. Þetta var í þrítugasta skiptið sem mótið var haldið og voru keppendur fjölmargir frá sex þjóðum. Myndir frá ferðinni eru neðst í greininni.Okkar menn og konur stóðu sig frábærlega og unnu tvenn gull verðlaun, fjögur silfur og átta bronsverðlaun. Keppnin var hörð og oft á tíðum spennandi og margar glæsilegar glímur litu dagsins ljós sem of langt mál yrði ef lýsa ætti þeim öllum. Svo eitthvað sé tiltekið, þá vinnur Ingi Þór sem keppti í aldursflokknum U20, átta glímur af níu. Hann vinnur opna flokkinn, þrjár viðureignir og silfur í -73 kg flokknum eftir fimm sigra af sex viðureignum þar sem hann vinnur meðal annars bronsverðlaunahafann frá Ólympíuleikum ungmenna í sumar og núverandi norðurlandameistara danann Phuc Hong Cai á ippon í riðlakeppninni en mætti honum aftur í úrslitum og tapaði þá þeirri viðureign. Kjartan Magnússon keppti einnig í U20 aldursflokki og varð hann í öðru sæti í -66 kg flokknum en þá hafði hann lagt fjóra andstæðinga af fimm og Helga Hansdóttir (U20) vann opinn flokk kvenna þar sem hún vann meðal annars mikið þyngri og stærri stúlku frá Þýskalandi. Þjálfarar og farastjórar í ferðinni voru, Bjarni Friðriksson frá JSÍ, Björn Halldórsson, ÍR, Jóhannes Haraldsson, Grindavík, Sævar Sigursteinsson, Ármanni og Víkingur Víkingsson , JR.
Aldursflokkur U20
Gullverðlaun:
Ingi Þór Kristjánsson, JR í opnum flokki og Helga Hansdóttir KA í opnum flokki.
Silfurverðlaun:
Sigurpáll Albertsson, Grindavík, Opinn flokkur
Ingi Þór Kristjánsson JR, -73 kg
Kjartan Magnússon ÍR, -66 kg
Gunnar Ólafsson, Grindavík -60 kg
Bronsverðlaun:
Roman Rumba, JR, Opinn flokkur
Helga Hansdóttir, KA, -63 kg
Gísli Haraldsson, ÍR, -66 kg
Eysteinn Finnsson, Ármanni, -66 kg
U17, Bronsverðlaun
Ashley Friðsteinsdóttir, ÍR, -63 kg
Björn Lúkas Haraldsson, Grindavík, -81 kg
Gísli Haraldsson, ÍR, -66 kg
U12, Bronsverðlaun
Marcin Ostrowski, Grindavík, -50 kg
