Norðurlandameistaramótið í júdó verður haldið 21. og 22. maí eða næstu helgi í Ósló . Þangað fara 28 keppendur frá sex félögum og hefur  líkast til aldrei áður jafn fjölmennt lið frá Íslandi tekið þátt í mótinu. Auk keppenda verða þrír þjálfarar með hópnum, einn dómari  og fararstjórar. Í hópinn vantar þó tvo landsliðsmenn þá Þormóð Jónsson +100 kg og Hermann Unnarsson -81 kg sem dvelja nú við æfingar í Tékklandi og munu taka þátt í öðrum viðburðum á næstunni. Það eru rúmlega þrjúhundruð keppendur skráðir til leiks frá öllum norðurlöndunum og búist er við hörku keppni en meðal keppenda verða nokkrir nýbakaðir verðlaunahafar frá Opna Breska síðastliðna og helgi. Landsliðsmenn okkar eru í fínu formi, hafa undirbúið sig vel og leggst mótið vel í alla.  Á laugardag verður keppt í U17 og U20 ára og á sunnudag í senioraflokkum. Á meðfylgjandi mynd sem tekin var á sameiginlegri æfingu í gær má sjá flesta þeirra sem keppa munu í Ósló.

Landslið Íslands í júdó á NM 2011 ásamt fylgdarliði.