Sveitakeppni í júdó á Smáþjóðaleikunum fór fram í dag. 14 sveitir voru skráðar til leiks sjö í karlaflokki og sjö í kvennaflokki. Sveit Íslands í karlaflokki var skipuð Janusz Komendera, Hermanni Unnarssyni og Ægi Valssyni. Varamenn voru Sveinbjörn Iura, Þór Davíðsson og Dofri Bragason. Sveitin tapaði með þrem vinningum gegn einum á móti Lúxemborg en unnu Andorra 2-1 sem dugði þeim í brons viðureign á móti Möltu. Í brons viðureigninni sigruðu Íslendingar 2-1. Hin bronsviðureignin var CYP/LIE og fór bronsið til Liechtenstein. Í úrslitum mættust Lúxemborg og Mónakó þar sem Lúxemborg vann 2-1.

Sveit Íslands í kvennaflokki var skipuð Hjördísi Ólafsdóttur og Önnu Soffíu Víkingsdóttur og til vara var Ingunn Sigurðardóttir. Íslenska kvennasveitin átti engan keppanda í léttasta flokkum og því þurftu þær báðar að vinna sínar glímur til að vinna sveitir andstæðingana. Þær Anna Soffía og Hjördís voru greinilega í stuði í dag og komust alla leið í úrslit þar sem þær mættu Lúxemborg. Þær Hjördís og Anna Soffía áttu báðar hörku viðureignir þar sem allt gat gerst fram á síðustu sekúndu en það féll ekki með þeim í úrslitunum og feiki sterkt lið Lúxemborg sigraði 3-0. Hér eru úrslitin úr sveitakeppninni.