Fjölmennt lið keppenda úr JR lagði af stað í gær til Luxembourg til að taka þátt í alþjóðlegu barna og unglingamóti  sem heitir Challenge de la Ville de Differdange. Liðið keppti í dag í aldursflokkunum U11 og U13 en einnig er keppt í U9, U15 og U18.  Keppendur JR voru sex og þeim fylgdu þjálfarar og foreldrar. Það var glæsileg uppskera hjá krökkunum  en þau unnu til fimm gullverðlauna í aldursflokknum U11 en það voru þau Emma Thueringer, Helena Bjarnadóttir, Weronika Komendera, Elías Þormóðsson og Jónas Guðmundsson sem það gerðu en því miður náði  Mikael Ísaksson sem keppti í U13 og er á yngra árinu ekki í verðlaun að þessu sinni en hann er einn okkar besti keppandi í þessum aldursflokki og á örugglega eftir að landa nokkrum gullum erlendis í framtíðinni. Þetta var í fjórða sinn sem þetta mót var haldið og hefur keppendum og þátttökuþjóðum fjölgað verulega frá því að það var fyrst haldið árið 2015 en þá voru keppendur 107 frá þremur þjóðum (LUX, FRA, GER) og keppt á tveimur völlum og í fyrra voru keppendur 292 frá sex þjóðum en í ár var keppt á fjórum völlum og þjóðirnar orðnar sjö ( LUX, SCO, GER, BEL, NED, FRA, ISL). Því miður eru ekki komnar upplýsingar um keppendafjölda en búast má við því að enn hafi fjölgað svo þetta var einkar glæsilegur árangur.