Heilbrigðisráðuneytið hefur birt breyttar reglur um samkomutakmarkanir sem tóku gildi á miðnætti. Samkvæmt reglunum eru keppnisíþróttir með snertingu áfram leyfðar með hámarksfjölda 100 einstaklinga að ákveðnum skilyrðum uppfylltum. Áhorfendur á íþróttaleikjum eru ekki leyfðir innandyra. Utandyra er heimilt að hafa áhorfendur – að hámarki 50 í hverju rými – sitji þeir í númeruðum sætum skráð á nafn og noti andlitsgrímu.

Beðið er frekari fyrirmæla um þau skilyrði sem sett eru fyrir keppnisíþróttum með snertingu.

Frétt um nýjar reglur, sem uppfærð verður, má finna á vef stjórnarráðsins – sjá hér.