Judofélag Suðurlands stóð fyrir æfingabúðum 27. og 28. október í íþróttahúsinu á Eyrarbakka. Rúmlega tuttugu manns frá þremur íslenskum félögum: JS, Tindastóli og JR tóku þátt, auk fimm gesta frá Bretlandi sem dvalið hafa við æfingar hjá JS síðastliðna viku.

Vel var við hæfi að síðari dag æfingabúðanna bar upp á alþjóðlega judodaginn e. World Judo Day, sem haldinn hefur verið undanfarin ár á fæðingardegi stofnanda judoíþróttarinnar Jigoro Kano.

Meðfylgjandi mynd er tekin í lok laugardagsæfingarinnar þar sem þátttakendur stilltu sér upp með viðurkenningarskjöl frá Judofélagi Suðurlands.