Norðurlandameistaramótið í judo fór fram um helgina þar sem 21 íslenskir keppendur tóku þátt. Íslenska liðið náði frábærum árangri og vann alls til átta verðlauna, þar af þrjá Norðurlandameistaratitla.
Norðurlandameistarar 2026 urðu Egill Blöndal í -100 kg flokki karla, Aðalsteinn Björnsson í -90 kg flokki U21 og Viktor Kristmundsson í -100 kg flokki U21
Silfurverðlaun hlaut Weronika Komandera í -52 kg flokki kvenna
Bronsverðlaun hlutu Aðalsteinn Björnsson í -90 kg flokki karla, Arnar Arnarsson í +100 kg flokki U21, Helena Bjarnadóttir í -70 kg flokki U21 og Eyja Viborg í -52 kg flokki U18.
Sérstaka athygli vekur árangur Aðalsteins Björnssonar sem vann gullverðlaun í U21 flokki ásamt bronsverðlaunum í flokki fullorðinna.
Alls voru 21 keppendur frá Íslandi á mótinu og unnu margir viðureignir án þess að komast á pall. Árangurinn endurspeglar þá uppbyggingu sem átt hefur sér stað í íþróttinni undanfarin ár.
Judosamband Íslands óskar öllum keppendum, þjálfurum og aðstandendum innilega til hamingju með glæsilegan árangur.
